Նվագում են Նարեն, հայրիկն ու քույրիկը:
Monthly Archives: January 2015
Դիջիմհամերգ
Տես, կարողանում եմ
Մենք կարողանում ենք
Երաժշտության լրացուցիչ կրթությունը որպես հեղինակային կրթական ծրագիր հայ-վրացական կամուրջներ կրթական նախագծի սահմաններում
Արդիական-մասնագիտացված, բաց, հետաքրքիր ուսումնական միջավայր: Ուսուցիչները՝ երաժիշտ-կատարողներ: Սովորողի ուսումնական աշխատանքի ներկայացում ուսումնական կենտրոնի բլոգում և mskh.am-ում: Պարբերական հաշվետվություն-համերգներ:
Ուսուցումը իրականցվում է 5 տարեկանից: Այս տարիքում երեխայի ընկալելու ունակությունը առավել ուժեղ է: Երեխան չգիտի տառերը, հաշիվը, շատ այլ բաներ, բայց նա նվագում է: Նպատակն է զարգացնել լսողությունը, ռիթմը, իմպրովիզացիոն ունակությունները, ազատ մտածելու, գործելու , կատարելու այսպես ասված վարպետությունը:
Սովորողի ուսումնական պլանը կազմվում է ամեն երեխայի անհատական առանձնահանկություններից և ընդունակություններից ելնելով:
Սովորողի ուսումնական աշխատանքը ներկայացվում է պարբերական հաշվտվություն-համերգների միջոցով: Համերգները համապատասխանում են դպրոցի ընդհանուր կրթական օրացույցին : Սրանք ձևավորում են գեղագիտական և երաժշտական ճաշակ, կատարողի կատարման վարպետություն, ապագա լավ ունկիդիր, թիմային մտածողություն:
Ուսուցման նպատակը ոչ միայն անհատ կատարողների ձևավորումն է, այլև տարբեր համույթների ստեղծումը: Համույթները ստեղծվում են նույն կամ տարբեր գործիքների համադրությունից: Հետաքրքիր է տարբեր դասավանդողների և սովորողների միասնական համույթային համագործակցությունը: Սրանով սովորողի երաժշտական շփման սահմանները ավելի են ընդարձակվում:
Ուսուցիչները երաժիշտ-կատարողներ են: Նրանք մասնակցում են սովորողների հետ նույն համերգին, ինչպես միասին այնպես էլ իրենց առանձին մենանվագներով: Երաժիշտ-ուսուցիչների կատարողական վարպերության սահմանները անցնում են դպրոցի սահմաններից դուրս հասնելով Հայաստանի ամենամեծ համերգային բեմերը:
Երաժշտության հեղինակային կրթական ծրագրին անմիջական մասնակից են ընտանիք` հայր, մայր, տատիկ, հորաքույր, մորաքույր…Սրանով դպրոց, սովորող, ընտանիք կապը էլ ավելի է ամրապտդվում:
Սովորողի և ուսուցչի ուսումնական աշխատանքը ներկայացվում է ուսումնական կենտրոնի բլոգում և mskh.am-ում: Սա ծնողին և հասարակությանը մոտ կանգնելու բաց, ուղիղ և անմիջական ճանապարհ է:
Հասմիկ Մաթևոսյան 