Հակաբացիլ տոնախմբություն Տերյանի այգում

«Հակաբացիլ Կոմիտաս 2022» նախագծով հակաբացիլ տոնախմբություն Տերյանի այգում:

Նախագծի առաքելությունը ամենայն հայոց երգահանի` մեծն Կոմիտասի ստեղծագործությունները հանրայնացնել, տարածելն է` պահպանելով ազգային երգի բարձրաճաշակ միասնականությունը:

Օր՝ հունիսի 1

Ժամ՝ 12.00

Մասնակիցներ՝ Հյուսիսային դպրոցի 1-3-րդ դասարանների սովորողներ, ծնողներ, դասավանդողներ, հյուրեր, այլք

Վայր՝ Տերյանի այգի

Ծրագրում՝

Հակաբացիլ Կոմիտաս երգեր,

Հակաբացիլ Թումանյան, Աղայան, Խնկոյան ընթերցումներ

Ազգային խաղեր

• Այբ, բեն, գիմ
• Ձիուկ
• Արև, արև եկ, եկ

Առավոտը գյուղում
Արեգակը դուրս է եկել Պսպըղալով:

Շողքը երդից ներս է ընկել Շողշողալով:

Ծիտը ծառին կըչկըչում է Ծըլվըլալով:

Ձորումն առուն քչքչում է Վըշվըշալով:

Ծույլ տղայի քունն է տարել Խռըմփալով:

Տրեխները շունն է տարել Մըռմըռալով։

• Մանուկների հայր մեր
• Կաքավի գովքը

Ղազարոս Աղայան՝ «Ծիտը և բազեն»

Ծիտը ծառին ծլվլում է.
— Ծի՜վ, ծի՜վ, ծի՜վ.
Բազեն գլխին պտըտվում է.
— Վո՜ւյ, վո՜ւյ, վո՜ւյ…
Ծիտը լռեց, ծիտը վախեց.
— Վա՜յ, վա՜յ, վա՜յ…
Բազե՜, թը՜ռռ, բազե՜, թը՜ռռ.
― Հա՜յ, հա՜յ, հա՜յ…
Բազեն թռավ,
Բազեն փախավ,
Ի՜նչ լավ էլավ..
― Հե՜-հե՜-հե՜…
Ծիտի՛կ միտի՛կ, պիծի՛կ միծիկ,
Պըտպըտուրի՛կ, չըլպըլտուրիկ,
Դու լա՛վ պրծար չար բազեի
Սուր ճանկերից, հա՜-հա՜–հա՜…

• Հեյ իմ նազան
• Հոյ նազան

Աթաբեկ Խնկոյան՝ «Մեղու»

Պըզզան, պըզզան, Պըզպըզան,

Պստիկ մեղու տըզտըզան,

Դաշտ ու հովիտ կշրջես,

Բարձր սարեր կթռչես,

Սուսան սմբուլ կծծես

Ու ոտքերով թավամազ

Փոշի առած՝ տուն կգաս:

• Սոնա յար
• Գնացեք, տեսեք

Լուսաբացին (ժողովրդական)

— Ծուղրուղո՜ւ.
Աքլորը զիլ կանչեց թառին.
— Ճի՛կ-ճի՛կ, ճի՛կ-ճի՛կ,
Զարթնեց մթնում ծիտը ծառին։

Ծուղրուղո՜ւ.
Խոսեց ծեգին երկրորդ բերան.
— Հո-հո՜, հո-հո՜,
Նախիրն արդեն հանդը տարան։

— Ծուղրուղո՜ւ.

Լույսը բացվեց երրորդ կանչին.
— Վո՛ւյ-վո՛ւյ-վո՛ւյ-վո՛ւյ,
Նստեց նանը տեղի միջին։

• Էսօր ուրբաթ է, պաս է

Ազգային խաղեր Տերյանի այգում