Այսօր կրթահամալիրի մի խումբ դասավանդողներով և սովորողներով Հայրիվանքում էինք: Վանքում երգեցինք շարականներ, աղոթեցինք: Տյառնընդառաջի խարույկի շուրջը պտտվելուց հետո՝ սովորողները թռան կրակի վրայով: Նրանք մի լավ երգեցին, պարեցին, սահնակներով սահեցին, խաղացին, թրջվեցին:
Հայրիվանք գյուղում եղանք կոմպոզիտոր, երաժշտագետ Ավետ Տերտերյանի տան բակում: Հարևանը մեզ պատմեց նրա կյանքից հետաքրքիր դեպքեր: Հետդարձի ճանապարհին մոտեցանք սառցե տիրուհուն՝ Սևանա լճին, որը սառել էր ամբողջությամբ: Այնտեղ ծանոթացանք և ընկերացանք Ռեքսի հետ, ով հսկում էր տեղի բնակիչների անդորրը: