«Ես կարողանում եմ» ուսումնական ստուգատեսի ամփոփում․համերգ-ցուցահանդես
Օրը` հունիսի 9
Ժամը՝ 12։30
Վայրը՝ Հյուսիսային դպրոցի Արտասահման
Մասնակիցներ՝ Հյուսիսային դպրոցի առաջին դասարանի սովորողներ, ծնողներ, հյուրեր, այլք
Ծրագրում՝ կոմիտասյան երգեր, թումանյանական, աղայանական ընթերցումներ, օտարալեզու երգեր, ազգային պարեր
- Այբ, բեն, գիմ
- Ձիուկ
Առավոտը գյուղում (Ղազարոս Աղայան)
Արեգակը դուրս է եկել
Պսպըղալով.
Շողքը հերթից ներս է ընկել
Շողշողալով.
Ծիտը ծառին կըչկըչում է
Ծըլվըլալով.
Ձորումն առուն քչքչում է
Վըշվըշալով.
Ծույլ տղայի քունն է տարել
Խռըմփալով.
Տրեխները շունն է տարել
Մըռմըռալով:
- Արև, արև, եկ,եկ
- Կաքավի գովքը
Լուսաբացին (Հովհաննես Թումանյան)
Ծուղրուղո՜ւ.
Աքլորը զիլ կանչեց թառին.
— Ճիկ-Ճիկ, Ճիկ-Ճիկ,
Զարթնեց մթում ծիտը ծառին.
Ծուղրուղո՜ւ.
Խոսեց ծեգին երկրորդ բերան.
— Հո-հո՜, հո-հո՜,
Նախիրն արդեն հանդը տարան։
— Ծուղրուղո՜ւ.
Լույսը բացվեց երրորդ կանչին.
— Վո՛ւյ-վո՛ւյ-վո՛ւյ-վո՛ւյ,
Նստեց նանը տեղի միջին։
- Մեղվի երգը (Աթաբեկ Խնկոյան)
Պըզզան, պըզզան,
Պըզպըզան,
Պստիկ մեղու տըզտըզան,
Դաշտ ու հովիտ կշրջես,
Բարձր սարեր կթռչես,
Սուսան սմբուլ կծծես
Ու ոտքերով թավամազ
Փոշի առած՝ տուն կգաս:
- Հեյ, իմ Նազան
- Հոյ Նազան
Էս էն է․․․(Հովհաննես Թումանյան)
Էս էն տունն է, որ շինել է վարպետ Օհանը։
Էս էն ցորենն է, որ պահած է էն տանը,
որ շինել է վարպետ Օհանը։
Էս էն մուկն է, որ կերել է էն ցորենը,
որ պահած է էն տանը,
որ շինել է վարպետ Օհանը։
Էս էն կատուն է, որ բռնել է էն մկանը,
որ կերել է էն ցորենը,
որ պահած է էն տանը,
որ շինել է վարպետ Օհանը։
Էս էն շունն է, որ գըզել է էն կատվին,
որ բռնել է էն մկանը,
որ կերել է էն ցորենը,
որ պահած է էն տանը,
որ շինել է վարպետ Օհանը։
Օտարալեզու երգեր
Ռուսերեն երգ
- Գնացեք, տեսեք
Միասնական պար՝
- Թամզարա, Բուլուլ
Հասմիկ Մաթևոսյան 