Նախագծային աշխատանքին ներկայացվող պահանջներ. դիտարկում

Նախագծային աշխատանքին ներկայացվող պահանջներ. մշակումը՝ Աշոտ Տիգրանյանի

Դիտարկում

Կարդացի Աշոտ Տիգրանյանի «Նախագծային աշխատանքին ներկայացվող պահանջներ» մշակումը: Լավ է, որ մեր սիրելի գործընկերը կետերը ներկայացրել է հակիրճ, բանաձևային, փորձելով մեկ կետի մեջ ներառել մի ամբողջական գործողությունների շարք, որից ծնվում են հարցեր և այդ հարցերի պատասխանները:

Առաջինը, ինչը աչքիցս չվրիպեց՝ խրթին ձևակերպումներն էին, որոնք ստիպված եղա կարդալ մի քանի անգամ  և հավանաբար այդպես էլ հարյուր տոկոսով չհասկացա ինչի մասին է խոսքը:

Սկսեմ վերնագրից 

  • «Նախագծային աշխատանքին ներկայացվող պահանջներ» 

​Ի՞նչ նախագծի մասին է խոսքը՝ ուսումնական,  հետազոտական, թե՞ այլ: Հավանաբար ճիշտ կլիներ ձևակերպումը փոխել՝  «Ուսումնական նախագծային աշխատանք» անվամբ:

  • Նախագծային աշխատանքը սովորողների և դասավանդողների համագործակցային գործունեությունն է իրականության որևէ հիմնախնդրի հրապարակայնացման, քննարկման և լուծման ուղղություններով:

Այս ձևակերպումը լիարժեք չի արտահայտում կրթամալիրի բոլոր ուսումնական առարկաների բնույթը, առանձնահատկությունները, տարիքային խմբերը: Այն նեղ, սահմանափակ է և ուղղված  է միայն հավանաբար պատմությանը  կամ հասարակագիտությանը, այն էլ՝ միակողմանի բնորոշմամաբ: Օրինակ՝ երաժշտության դեպքում, նախագծի իրականացումը կարող է հիմնախնդիր չլինել:

Լավ կլիներ ձևակերպումը լիներ այսպես՝ «Նախագծային աշխատանքը սովորողների և դասավանդողների համագործակցային գործունեությունն է, որը իրականացվում է ուսումնական նպատակով և ուղղված է սովորողների հմտությունների, կարողությոնների բացահայտմանը, ձևավորմանը և զարգացմանը»: 

  • Պարտադիր քանակն ուսումնական տարվա ընթացքում. Մեկական կարճաժամկետ կամ միջնաժամկետ և երկարաժամկետ նախագիծ սովորողի ընտրությամբ` դասավանդողների ներկայացրած ցուցակից կամ սովորողի ձևակերպած ու մասնաժողովում հաստատված նախագիծը;

Այս կետը կազմելիս չի դիտարկվել կրթահամալիրային ուսումնական առարկաների բնույթը, առանձնահատկությունները, տարիքային խմբերը:  Հավանաբար պետք է ամեն տարիքային խմբի համար  նախագծերի «Ինչպե՞ս» իրականացման  ձևի մասին նշել:

Նախագծի կառուցվածքը`

  1. Իրավիճակի նկարագրություն (ընտրված հիմնախնդրի համառոտ պատմությունը և նրա լուծման արդի խոչընդոտները);

Հավանաբար պետք է լինի այստեղ նախագծի անունը՝ ձևակերպում

2.Նախագծի շահառուները (թվարկվում են հասարակության այն շերտերը, որոնք կօգտվեն հիմնախնդրի լուծմանն ուղղված քայլերից)

Այս կետը կարելի է ներառել վերջում:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s