«Ձմեռային ազգագրական փառատոն 2024-ի շրջանակում, Բլեյան կրթական ցանցով և կրթական ծրագրերի փոխանակումներով Հայ Միասնության Խաչ ԲՄՀԿ-ի Մաչանենց կրթահամալիրի դհոլի դասարանի սաները, աշխատակիցները եղան կրթահամալիրի Հյուսիսային դպրոցում:
Ֆոտոլուսաբանումը՝ Արմինե Թոփչյանի
Սկզբում խմբի անդամները Քնարիկ Ներսիսյանի ուղեկցությամբ շրջեցին Հյուսիսային դպրոցում, ծանոթացան ուսումնական միջավայրին:
Կինոֆոտոյի դասավանդող Նելի Օսիպյանը մեր հյուրերի և «Լրագրող-լուսանկարիչների» ջոկատի անցկացրեց շատ-շատ հետաքրքիր քննարկում կինոյի ստեղծման, պատմության, զարգացման ուղու, տեսակների մասին:
Երաժշտության լաբորատորիայում խոսեցինք ռազմապարերի մասին և սովորեցինք «Կարնո քոչարի» պարը:
Ամենահետաքրքիրը՝ օրվա վերջում էր:
Հայ Միասնության Խաչ ԲՄՀԿ-ի Մաչանենց կրթահամալիրի դհոլի դասավանդող, խմբավար, դհոլահար Արամ Պետրոսյանն իր սաների հետ միասին վարպետության պարապմունք անցկացրեց դպրոցի ճամբարականների հետ: Հանդիպումը «Հայ ազգային նվագարաններ. հարվածային գործիքներ» թեմայով էր:
Հայ Միասնության Խաչ ԲՄՀԿ-ի Մաչանենց կրթահամալիրի հետ ձեռք բերեցինք պայմանավորվածություններ հետագա համագործակցությունների, կրթական փոխանակումների, փոխայցելությունների մասին: